ಕರ್ನಾಟಕದಲ್ಲಿ ಸೈಟ್ ಅಥವಾ ಜಮೀನು ಖರೀದಿಸುವ ಮೊದಲು RTC (Record of Rights, Tenancy and Crops) ಅಥವಾ ಪಹಾಣಿ ಪರಿಶೀಲಿಸುವುದು ಅತ್ಯಂತ ಮುಖ್ಯ. ಅನೇಕರು ಕೇವಲ Sale Deed ಅಥವಾ E-ಖಾತಾ ನೋಡಿ ಆಸ್ತಿ ಖರೀದಿಸುತ್ತಾರೆ. ಆದರೆ ಜಮೀನಿನ ನಿಜವಾದ ಮಾಲೀಕತ್ವ, ಸರ್ವೇ ವಿವರಗಳು ಮತ್ತು ಕಾನೂನು ಸಂಬಂಧಿತ ಮಾಹಿತಿಯನ್ನು ತಿಳಿಯಲು RTC ಪ್ರಮುಖ ದಾಖಲೆ.

RTCಯಲ್ಲಿ ಜಮೀನಿನ ಮಾಲೀಕರ ಹೆಸರು, ಸರ್ವೇ ನಂಬರ್, ವಿಸ್ತೀರ್ಣ, ಜಮೀನಿನ ಸ್ವರೂಪ, ಬೆಳೆ ಮಾಹಿತಿ, ವಾರಸುದಾರರ ಹಕ್ಕುಗಳು ಹಾಗೂ ಆದಾಯ ಇಲಾಖೆ ದಾಖಲಿಸಿರುವ ವಿವರಗಳು ಲಭ್ಯವಾಗುತ್ತವೆ. ಈ ದಾಖಲೆ ಮೂಲಕ ಮಾರಾಟ ಮಾಡುತ್ತಿರುವ ವ್ಯಕ್ತಿಯೇ ನಿಜವಾದ ಮಾಲೀಕರೇ ಎಂಬುದನ್ನು ಪರಿಶೀಲಿಸಬಹುದು.

ಸೈಟ್ ಖರೀದಿಸುವ ಮೊದಲು RTC ಜೊತೆಗೆ Sale Deed, Encumbrance Certificate (EC), Khata, Mutation Register (MR), Survey Sketch ಸೇರಿದಂತೆ ಇತರ ದಾಖಲೆಗಳನ್ನೂ ಪರಿಶೀಲಿಸುವುದು ಉತ್ತಮ. ಅಗತ್ಯವಿದ್ದರೆ ಅನುಭವಿ ವಕೀಲರು ಅಥವಾ ಆಸ್ತಿ ತಜ್ಞರಿಂದ ದಾಖಲೆಗಳನ್ನು ಪರಿಶೀಲಿಸಿಸಿಕೊಳ್ಳಿ.

ಸರಿಯಾದ ದಾಖಲೆಗಳ ಪರಿಶೀಲನೆ ಇಲ್ಲದೆ ಆಸ್ತಿ ಖರೀದಿಸಿದರೆ ಮುಂದಿನ ದಿನಗಳಲ್ಲಿ ಮಾಲೀಕತ್ವ ವಿವಾದ, ವಾರಸುದಾರರ ಹಕ್ಕು, ಸರ್ಕಾರಿ ನಿರ್ಬಂಧಗಳು ಅಥವಾ ಕಾನೂನು ಸಮಸ್ಯೆಗಳು ಎದುರಾಗುವ ಸಾಧ್ಯತೆ ಇರುತ್ತದೆ.

ಹೀಗಾಗಿ, ಯಾವುದೇ ಸೈಟ್ ಅಥವಾ ಜಮೀನು ಖರೀದಿಸುವ ಮೊದಲು RTC ಪರಿಶೀಲಿಸಿ, ಎಲ್ಲಾ ದಾಖಲೆಗಳನ್ನು ಹೊಂದಾಣಿಕೆ ಮಾಡಿ, ನಂತರವೇ ಹೂಡಿಕೆ ಮಾಡುವ ನಿರ್ಧಾರ ಕೈಗೊಳ್ಳಿ. ಸರಿಯಾದ ದಾಖಲೆ ಪರಿಶೀಲನೆ ನಿಮ್ಮ ಹೂಡಿಕೆಯನ್ನು ಸುರಕ್ಷಿತವಾಗಿರಿಸುತ್ತದೆ.